पद्मरत्न लुमंकाः थीथी ज्याझ्वः

येँ – थुगुसी नेपाल संवत् ११४० न्हूदँया लसताय् जुइगु थीथी ज्याझ्वलय् न्हूदँ आन्दोलनया न्ह्यलुवाः लिसें नेपालभाषा मंकाः खलःया संस्थापक नायः पद्मरत्न तुलाधरयात नं लुमंकीगु जूगु दु । थ्वहे वइगु कौलागाः द्वादशि (कार्तिक ८ गते) भाजु तुलाधरया दकिला लानाच्वंगु दु । थ्व झ्वलय् वय्कःयात लुमंकाः निगू ज्याझ्वः जुइगु जुयाच्वंगु दु ।

८ गते दकिला कुन्हु हे लाकाः पद्मरत्न लुमन्ति गुथिपाखें वय्कःयात लुमंकाः छगू ज्याझ्वः यायेत्यंगु दु । थनया विशाल बजारय् च्वंगु सासा ब्यांक्वेटय् जुइगु उगु ज्याझ्वलय् वय्कः बारे थीथी पत्रपत्रिकाय् पिदंगु च्वसु मुनाः पिथनेत्यंगु सफू ‘झी पद्मरत्न’ विमोचन जुइ ।

अथे हे वयां कन्हय् नेपालभाषा मंकाः खलः, राष्ट्रिय न्हूदँ समारोह समिति व च्वसापासाया मंकाः ग्वसालय् ‘नेपाल संवत् आन्दोलनय् पद्मरत्नया योगदान’ विषयक बिचार गोष्ठी याइगु जूगु दु । उगु ज्याझ्वलय् च्वसापासां पिथंगु पद्मरत्न तुलाधरया जीवनी सफू ‘पद्मरत्न तुलाधर’ विमोचन यायेगु ज्याझ्वः नं जुइ ।

वय्कःया नामय् सरकारं पद्मरत्न प्रतिष्ठान नीस्वनेगु घोषणा थगुने जूसा थुकिया उकियात ठोस रुप बीगु लागिं पहल जुइगु खँ नं धाःगु दु । थगुने वय्कःया सम्मानय् न्हूदँया मूल ¥याली स्थगित यायेगु ज्या जूगु खः ।