स्वयेबहपिं कासामि (सिन्जि कागावा व राडामेल फाल्काओ)

सिन्जि कागावा मिडफिल्डर, जापान

जर्मन क्लब डर्टमन्ड मिडफिल्डर सिन्जि कागावा विश्वकप यात्राय् वनाच्वंगु जापानी टिमया मू कासामि खः । सन् २००८ निसें जापानया राष्ट्रिय टिमं म्हिताच्वंम्ह कागावां आःतक जापानया निंतिं ८० गुलिं मल्याक कासा म्हितेधुंकूगु दु । २९ दँया कागावां जापानयात विश्वकपय् थ्यंकेगु निंतिं नं महत्वपूर्ण खुगू गोल याःगु खः ।
सन् २०१४ या थःगु न्हापांगु विश्वकपय् गोल यायेमफुसां कागावां थुगु विश्वकपया न्हापांगु कासाय् धाःसा कोलम्बिया विरुद्ध पेनाल्टिपाखें छगू गोल यायेधुंकूगु दु ।

राडामेल फाल्काओ, फरवार्ड, कोलम्बिया

मोनाकोया कप्तान राडामेल फाल्काओ कोलम्बियन टिमया उत्कृष्ट फरवार्डर खः । मोनाकोया निंतिं आःतक ६७ गू गोल यायेधुंकूम्ह फाल्काओं ब्राजिलय् जूगु विश्वकप धाःसा चोटया कारणं म्हितेमखन ।
इल टाइगरया नामं जाःम्ह फाल्काओ थ्व पालय् धाःसा कोलम्बियाया कप्तानया जिम्मेवारी कयाः
मैदानय् कुहां वःगु दु । कोलम्बियाया निंतिं २९ गू गोल यायेधुंकूम्ह फाल्काओं थ्व विश्वकपय् नं गोल याइगु आशा समर्थकतय् दु ।