जेनेभाय् नेवाः सः
- नेपालभाषा टाइम्स
- ११३८ तछलाथ्व नवमी
- किपा-किपा - रुक्साना कपाली फेसबुक
येँ- नेवाः आन्दोलनया सक्रिय कार्यकर्ता मय्जु रुक्साना कपाली स्वीट्जरल्याण्डया जेनेभास्थित संयुक्त राष्ट्र संघीय मानव अधिकार आयोगया ज्याकू पिने नेपाःगाःया नेवाःतय्त विकासया नामय् विस्थापित यायेत राज्यपाखें यानाच्वंगु कुतःया विरुद्ध याकःचा जक जूसां प्रदर्शन याना च्वनादीगु ।
वय्कलं ज्याकू पिनेया फुटपाथय् च्वनाः ब्यानर प्रदर्शन यासें थ्व विरोध प्रकट याःगु खः । वय्कःया ब्यानरय् ‘स्वनिगःया नेवाः जनतायात विस्थापित यायेगु, छेँ थुनेगु व सांस्कृतिक सम्पदा नष्ट यायेगु ज्यायात हे नेपाः सरकारं विकास तायेकाच्वंगु दु’ धकाः च्वयातःगु दु । वय्कः तेश्रो लिंगी समुदायया अधिकार सम्बन्धी ज्याझ्वलय् ब्वति कायेत जेनेभा झाःगु खः ।
जेनेभाय् वय्कलं यानादीगु थ्व प्रदर्शनयात नेपालय् आपालं समर्थन वःगु दु ।
LEAVE YOUR COMMENTS