प्रधानमन्त्री अाेली १२० म्हेसिया पुचः सहित चीनपाखे

येँ – प्रधानमन्त्री केपी अाेली थः समकक्षी चिनियाँ प्रधानमन्त्री ली खछ्याङया ब्वनाय् खुन्हुयंकंया औपचारिक भ्रमणया निंतिं थौं सुथय् चीन झायादीगु दु ।

प्रधानमन्त्री ओली लिसें १२० म्हेसिया प्रतिनिधिमण्डल हिमालय एयरलाइन्सया विशेष विमानं चीनया राजधानी बेइजिङ वंगु खः ।
प्रधानमन्त्रीया भ्रमणया इलय् चिनिया राष्ट्रपति सि चिनपिङया अवधारणा वन वेल्ट वन रोड (बीआरआई) अन्तर्गतया पूर्वाधार निर्माण, लगानी, ऊर्जा, पर्यटन विषयय् सहलह लिपा थीथी समझदारीपत्र हस्ताक्षर जुइगु खँ परराष्ट्र सचिव शंकरदास वैरागीं कनादीगु दु ।

अथेहे प्रधानमन्त्रीं चिनियाँ समकक्षी ली लिसे द्वपक्षीय वार्ताया यायेगु लिसें नेपाल–चीन व्यापारक मञ्च व विद्वत समूहयात सम्बोधन नं यानादी । वय्कलं चीनया स्वशासित क्षेत्र तिब्बतया राजधानी ल्हासाया नं भ्रमण यानादीत्यंगु दु ।

प्रधानमन्त्रीया भ्रमण पुचलय् वय्कःया जहान राधिका शाक्य, गृहमन्त्री रामबहादुर थापा, परराष्ट्रमन्त्री प्रदीप ज्ञवाली, ऊर्जा, जलस्रोत व सिँचाइ मन्त्री वर्षमान पुन, भौतिक पूर्वाधार तथा यातायातमन्त्री रघुवीरम हासेठ, प्रधानमन्त्रीया प्रमुख सल्लाहकार विष्णुप्रसाद रिमाल, सांसदत, उच्च अधिकारी, निजी क्षेत्रया प्रतिनिधि, संचारकर्मी यानाः १२० म्ह दुथ्याः ।

थुकी सरकारी प्रतिनिधिमण्डलय् ४२ म्ह, सञ्चारकर्मी खुम्ह, बेइजिङस्थित नेपाली दूतावासया च्याम्ह, थीथी सञ्चारमाध्यमया सम्पादक, वरिष्ठ पत्रकार झिंम्ह, उद्योगी व्यवसायीतय् पुचः ५२ म्ह दुथ्याःगु खँ धाःगु दु ।

सम्बन्धित बुखँ

LEAVE YOUR COMMENTS