थुगुसी नं सिलु वनेगु बन्द !

येँ – दँय्दसं गुंपुन्हिया इलय् तःजिगु मेला जुइगु सिलु मेला अर्थात सिलु वनेगु मेला नं थुगुसीइ स्थगित यायेगु तयारी जुयाच्वंगु दु । रसुवा जिल्लाय् लाःगु सिलु तीर्थय् दँय्दसं गुंपुन्हिया दिनय् तःधंगु मेला जुइ ।

गोसाइँकुण्ड क्षेत्र विकास समितिं कोरोना संक्रमणया जोखिमयात ध्यानय् तयाः थुगुसी नं मेला स्थगित यायेगु तयारी जुयाच्वंगु खँ धाःगु दु । मेला संचालन जुल धाःसा संक्रमण जोखिम नं अप्वया वनीगु सम्भावना दुगुलिं थुगुसीइ नं मेला स्थगित यायेगु तयारी जुयाच्वंगु समितिं न्ह्यथंगु दु ।

गुंपुन्हिया झ्वलय् जुइगु मेलाया निंतिं सिलु वनेगु धाःसा छुं दिं न्ह्यः हे शुरु जुइधुंकूगु खः । मेलाया निंतिं सिलु वनेगु वंगु वालंनिसें हे शुरु जूगु खःसां थुगुसी नं मेलाय् वनीपिंके उत्साह खने दयाच्वंगु मदु ।

जिल्लाया पर्यटकीय व धार्मिक महत्वया तीर्थस्थल सिलुइ जुइगु मेलाय् स्वनिगःलिसें जःखःया थासं आपालं तीर्थालुत वनेगु याइ ।