१२ गू तगिंया जाँच क्वःछिनातःगु मितिइ

येँ- राष्ट्रिय परीक्षा बोर्डं क्वःछिनातःगु मितिइ हे तगिं १२ गूया जाँच जुइगु खँ धाःगु दु । १२ गू तगिंया जाँच क्वःछिनातःगु मितिइ हे यायेकथं न्ह्यानाच्वंगु तयारी नं लिपांगु चरणय् थ्यंगु बोर्डं जानकारी बिउगु दु । १२ गू तगिंया जाँच स्थगित जूगु व अन्योलय् लानाच्वंगु धइगु समाचार हल्ला जक खः धासें भर्चुअल व भौतिकरुपय् परीक्षा संचालन यायेगु विषयय् सहलह जुयाच्वंगु बोर्डं न्ह्यथंगु दु । बोर्डया परीक्षा नियन्त्रक कृष्णप्रसाद शर्मां परीक्षाया विषयय् पिने वयाच्वंगु खँ हल्ला जक खः धयादीगु दु ।

कोरोना संक्रमण दर हाकनं अप्वया वनाच्वंगु सन्दर्भय् परीक्षा भौतिक वा भर्चुअल गुगु माध्यमं यायेगु धइगु विषयय् स्वास्थ्य मन्त्रालयलिसे सहलह जुयाच्वंगु खःसां बोर्डं धाःसा भौतिक रुपं हे परीक्षा संचालन यायेमाःगु खँ न्ह्यःने हयाच्वंगु दु ।

थ्यंमथ्यं स्वंगू लख चय्खुद्वलं मल्याक परीक्षार्थी सहभागि जुइगु तगिं १२ गूया परीक्षा थ्व हे साउन ३१ गतेनिसें संचालन यायेगु ल्याखं परीक्षाया तालिकातकं सार्वजनिक यायेधुंकूगु दु ।

उखे कोरोनाया संक्रमण हाकनं अप्वःगु धासें १२ गू तगिंलिसें विश्वविद्यालयस्तरया परीक्षाया दक्वं ज्याझ्वः तत्कालया निंतिं स्थगित यायेत स्वास्थ्य मन्त्रालयं शिक्षा मन्त्रालययात इनाप याःगु दु ।

मन्त्राययय् छगू पत्रकार सम्मेलन यासें स्वास्थ्य राज्यमन्त्री उमेश श्रेष्ठं परीक्षा संचालन सम्बन्धी दक्वं ज्याझ्वः स्थगित यायेत इनाप यासें आन्तरिक मूल्यांकनया लिधंसाय् लिच्वः पिकाये फइगु विकल्प नं बियादीगु खः ।

सम्बन्धित बुखँ

LEAVE YOUR COMMENTS