ईदया विदा विवादय्

येँ – मुस्मां समुदायया तःधंगु नखः ईद कुन्हु बीगु याना वयाच्वंगु सार्वजनिक बिदा क्वपाःगुलिं म्हीग ईद नखः मुस्मां समुदायं वर्तमान सरकारया विरोध यासें न्यायेकल । मुस्मांतय् बाहुल्यता दुगु नेपालगञ्जय् ‘मुस्लिम विरोधी सरकार मूर्दावाद !’ धकाः च्वयातःगु ब्यानर सार्वजनिक रुपं तयेगु कुतः याःबलय् प्रहरीं हस्तक्षेप यानाः ब्यानर लिकायेगु ज्या समेत याःगु खः । प्रधानमन्त्री केपी ओलीं ईदया लसताय् बियादीगु भिंतुना समेत थःपिंसं स्वीकार मयानागु खँ मुस्मां धर्मगुरुपिंसं धाःगु दु ।

उखे ईदया लसताय् म्हिगः आइतवाः कुन्हु २ नम्बर प्रदेशया सरकारं बिउगु सार्वजनिक बिदायात केन्द्रलिसे स्वापू दुगु अदालत व सरकारी ज्याकूतय्सं ‘अस्वीकार’ याःगु दु । म्हिगः २ नम्बर प्रदेशय् बिदा धाःसां सरकारी ज्याकूत चायेकूगु खः ।