पोखराया मेयरं डोजर चले याःबलय् न्याम्ह घाःपाः

येँ– पोखरा–लेखनाथ नगरपालिकाया मेयर मानबहादुर जिसीं डोजर चले याःबलय् पत्रकारत लिसें न्याम्ह घाःपाः जूगु दु । पोखराया फिर्के खोलाय् लँजुवाःत वनेगु निंतिं लँ दयेकेगु ज्याया उलेज्या यायेत मेयर जिसीं डोजर चले याःगु खः ।

डोजर चले याःबलय् मेयर जिसिं झुक्के जुयाः लिभरय् तियाबिउ बलये डोजरया वकेट चले जुयाः रेलिङ क्वःदःवंगु खः । थ्व रेलिङ क्वःदःबलय् थुकि लिधनाच्वंपिं न्याम्ह खुसिइ कुतुंवंगु खः ।

रेलिङ त्वःधूबलय् उकी लिधनाच्वंम्ह अनलाइनखबरया पत्रकार सन्देश श्रेष्ठ, पत्रकार रञ्जन अधिकारी, उलेज्या स्वः वयाच्वंम्ह स्थानीय गौरी पौडेल लिसें न्याम्ह खुसि कुतुंवंगु खः । खुसिइ कुतुंवंम्ह मध्ये पौडेल बांमलाक घाःपाः जूगु खः । घाःपाः जूपिंत पोखराया मेट्रोसिटी अस्पतालय् यंकूगु खः ।