प्रहरीया हत्या कि आत्महत्या ?
येँ – इजरायली दूतावासय् कार्यरत प्रहरी सहायक निरीक्षक अनुपराज थापाया मृत्यु रहस्यमय जूगु धासें छेँजःपिंसं निष्पक्ष छानविन यायेत माग याःगु दु । वंगु आइतवाः डिउटीया हे इलय् थम्हं कपालय् गोलीं कयेकाः आत्महत्या याःगु धासें प्रहरी छेँजःयात खबर हे मयासे शव परीक्षणया निंतिं शिक्षण अस्पताल यंकूगुलिं छेँजःपिंसं आत्महत्या मखुसें हत्या जूगु आशंका याःगु खः ।
मदुम्ह थापाया अबु ज्ञानेन्द्र थापां तनाव, समस्या व घटनाया कारण हे मदुगु अवस्थाय् थः कायं आत्महत्या यात धइगु अविश्वसनीय जूगु खँ कनादिल । वय्कलं धयादी, ‘कायं आत्महत्या याःगु धासें शिक्षण अस्पतालय् वयेत प्रहरीं खबर यात, तर वं आत्महत्या यायेमाःगु छुं कारण हे मदु, घटना लिपा छेँजःयात जानकारी मबिसे तप्यंक छाय् परीक्षणया निंतिं अस्पताल यंकल ? थ्व आत्महत्या मखुसें हत्या खः, निष्पक्ष छानविन जुइमाः ।’
LEAVE YOUR COMMENTS