
येँ – स्वनिगलय् केबुलकार सञ्चालन याये फइगु खँ सीदुगु दु । केबुलकार निर्माण, जडान व सञ्चालनय् विश्वय् नांजाःगु फ्रान्सेली कम्पनीत एडिपी व स्याष्ट्रां नेपाःया पञ्चकन्या व कालिका कन्स्ट्रक्सन लिसे सहकार्य यानाः न्यादँ बिकाः याःगु अध्ययनं स्वनिगलय् केबुलकार सञ्चालन याये फइगु इन्जिनीयरिङ प्रतिवेदन बिउगु खः ।
उगु प्रतिवेदन कथं केबुलकार दयेकेगु निंतिं १५ अर्ब तका खर्च तुइ । फ्रान्स सरकारं निगू पक्षीय ग्वाहालि अन्तर्गत ३ करोड ४० लाख तक खर्च यानाः सम्भाव्यता अध्ययन याःगु खः ।
प्रतिवेदनय् बिष्णुमतिं शुरु जुयाः हनुमानध्वाखा दरवार क्षेत्र, रत्नपार्क, डिल्लीबजार, भण्डारखाल, चाबही जुयाः खास्तिइ क्वचाइगु उगु केवलकारया भाडा नेपाःमियात ४० तका व विदेशीयात १५० तका कायेगु प्रस्ताव दु । केबुलकार परियोजनाय् लगानी यायेगु निंतिं विश्व बैंक, एसियाली विकास बैंक, एसियाली पूर्वाधार लगानी बैंक, युरोपेली लगानी बैंकपिं इच्छुक जुयाच्वंगु खँ धाःगु दु ।
LEAVE YOUR COMMENTS