बहुमूल्य धातु पहिचान तालिम क्वचाल

येँ – भक्तपुर सुनचाँदी व्यवसायी संघया ग्वसालय् छवाःयंकं जूगु बहुमूल्य रत्न पहिचान तालिम क्वचाल । नेपाल सुनचाँदी व्यवसायी महासंघया वरिष्ठ उपाध्यक्ष माणिकरत्न शाक्यं तालिम समापन ज्याझ्वलय् प्रशिक्षार्थीतय्त दसिपौ लःल्हानादीगु खः । प्रशिक्षार्थीतय्त दसिपौ लःल्हासें महासंघया वरिष्ठ उपाध्यक्ष शाक्यं नेपालय् पत्थर व बहुमूल्य धातुया व्यवसायया आपालं सम्भावना दु धयादिल ।

तालिमया प्रशिक्षया लिसें सह आयोजक शुभकामना कलेजया गोपालराज रेग्मीं थुगु प्रशिक्षण लिपा ख्वप नगरपालिकानापंं स्वलायंकंया खनिज पहिचान तालिमया निंतिं सैद्धान्तिक सहमति जुइधुंकूगु जानकारी बियादिल ।

छम्ह मिसानापं झिंस्वम्हेसिया सहभागिता दुगु तालिमय् प्रशिक्षार्थीपाखें भूगर्भविद् कौशलरत्न वज्राचार्य व नवराज घिमिरें थःपिनिगु अनुभव कनादीगु खःसा कलेजया दीपकप्रसाद मिश्र, प्रदीपरत्न शाक्य व ज्याझ्वःया सभापति पद्मरत्न शाक्यपिंसं तालिमया थीथी पक्षयात कयाः नुगःखँ तयादीगु खः ।

सम्बन्धित बुखँ

LEAVE YOUR COMMENTS