जनसेवा सामुदायिक केन्द्रया खुक्वःगु साधारणसभा

येँ – जनसेवा सामुदायिक केन्द्रया खुक्वःगु साधारणसभा जुल । येँ महानगरपालिकाया मेयरलिसें केन्द्रया पुलांम्ह अध्यक्ष विद्यासुन्दर शाक्यं उगु साधारणसभाया उलेज्या यानादीगु खः । साधारणसभां विकासभक्त श्रेष्ठया अध्यक्षताय् १७ म्हेसिया न्हूगु ज्यासना पुचः नं नीस्वंगु दु । श्रेष्ठया अध्यक्षताय् गठन जूगु न्हूगु ज्यासना पुचलय् पवित्र वज्राचार्य उपाध्यक्ष, विजयकृष्ण श्रेष्ठ महासचिव, सुभानकुमार श्रेष्ठ सचिव व चिनियमान वज्राचार्य कोषाध्यक्षय् च्वनादीगु दु ।

अथे हे दुजलय् शशिलाल श्रेष्ठ बाबुराजा महर्जन, श्याम चित्रकार व हरिकृष्ण डंगोल च्वनादीगु दु । वय्कःपिं सकलें निर्विरोध निर्वाचित जुयादीगु खः । न्हूगु ज्यासना पुचलय् ल्यं दुपिं खुम्ह समावेशियाता लिधंसाय् मिसात नं दुथ्याकाः मनोनित यायेगु केन्द्रं जानकारी बिउगु दु ।

स्थानीय जनता व नेपाल प्रहरीया मंकाः कुतलय् गठन यानातःगु केन्द्रं येँ महानगरपालिकाया वडा नं. १८, १९, २०, २१, २२, २३, २४, २५ व २७ यानाः गुंगू वडायात कार्यक्षेत्र दयेकाः सामुदायिक प्रहरी सेवा केनद्र लगायत थीथी सामाजिक व विकासया ज्याझ्वःत याना वयाच्वंगु दु । नापं उगु ज्याझ्वलय् जनसेवा सामुदायिक प्रहरीया हवल्दार पदम भट्टराईयात नं नगद व दसिपौपाखें हनेगु ज्या नं जूगु खः

सम्बन्धित बुखँ

LEAVE YOUR COMMENTS