ने. सं. ११४६ पाेहेलागा एकादशी - षट्रतिला एकादशि

ख्यालि न्हिली

जिं गुम्ह मनूया बारे धयाच्वनागु खः, वया थःगु आज्जु त्वःताः मेगु छुकीसनं नं ध्यान वनी मखु । न वं लिउने स्वइ, न जवय् न खवय् । न शत्रुं वयात पनेफइ न मित्रं ! वयागु लँपुइ वइपिंसं थःगु भूलया पश्चाताप यायेत बाध्य जुइ । छिं धयादी फु ला, व सु मनू खः ?
‘ट्याक्सी ड्राइभर’— हुलया दथुं छम्हेसिनं धयाहल ।
ह्ह्ह्
‘डाक्टर साहब’— ल्वगिं कन— ‘जिगु न्यनेगु शक्ति थुलि कमजोर जुइधुंकल कि जिं थम्हं मुसु तयागु थम्हं हे मताये धुंकल ।’
डाक्टरं वयात ट्याब्लेटया छगः सिसि बियाः धाल— ‘निगू ट्याब्लेट द्यःने त्ययेकाः न्हिंन्हिं भपियादिसँ ।’
‘थ्व ट्याब्लेट नलकि जिं बांलाक ताया वइ ला ?’
‘मखु’— डाक्टरं गम्भीर सलं धाल— ‘थुकिं छिगु मुसु चर्को यानाबी ।’