ने. सं. ११४६ चिल्लागा नवमी -

मेलम्ची मोहनि लिपा जक

येँ – स्वनिगलय् मेलम्चीया लः मोहनि न्ह्यः मवइगु जूगु दु । इटालियन कम्पनी सिएमसीं क्वःछिनातःगु कार्यतालिका कथं ज्या मयाःगुलिं मोहनि न्ह्यः मेलम्चीया ज्या क्वमचाइगु खँ धाःगु दु । मुक्कं २७ किलोमिटर सुरुङ म्हुइगु ज्या वंगु चैत २७ गते क्वचाःगु खःसां वयां लिपा यायेमानिगु ज्या ल्यं दनिगुलिं मेलम्चीया लः मोहनि न्ह्यः मवइगु जूगु खः ।

मोहनि न्ह्यः लः हयेगु निंतिं सुरुङ दुने न्हिं ३०० मिटर मर्मत जुइमाःगु खःसा थौंकन्हय् ५० मिटर जक ज्या जुयाच्वंगु दु । आयोजनां वइगु साउन ३० गते तक मेलम्चीया लः सुन्दरीजलय् क्वफायेगु तयारी यानाच्वंगु खःसां आः मफइगु जूगु दु ।