कन्हय् न्हूसतकय् तःजिगु जिम्न्यास्टिक प्रदर्शन जुइगु

येँ – स्वास्थ्य सम्बन्धी जनचेतना न्यंकेगु निंतिं जिम्न्यास्टिक फर अल अभिवृद्धि तथा समन्वय क्लबं शनिवाः सुथय् न्हूसतकय् छगू तःजिगु जिम्न्यास्टिक प्रदर्शन यायेत्यंगु दु । न्हूसतकया जुद्ध शालिक न्ह्यःने थ्यंमथ्यं स्वद्वःम्ह स्कुलया विद्यार्थीपिंसं जिम्न्यास्टक प्रदर्शन याइगु खँ फ्युचर स्टार इंग्लिस सेकेन्डरी स्कुलया प्रिन्सिपल मनोज श्रेष्ठं कनादीगु दु ।
ज्याझ्वलय् मूपाहाँ कथं येँ महानगरपालिकाया मेयर विद्या सुन्दर शाक्य झायादी । ज्याझ्वलय् येँ, यल व ख्वपया २५ गुलिं मल्याक स्कुलया सहभागीता दइगु खँ धाःगु दु ।