सतकय् धू मब्वयेकेगु मन्त्री स्थापितया योजना

येँ – ३ नम्बर प्रदेशया भौतिक पूर्वाधार विकास मन्त्री केशव स्थापितं ३ नं. प्रदेशया सतकयात धुलं मुक्त यायेगु तयारी यानाच्वंगु खँ धयादीगु दुु । थुकिया निंतिं एग्री विन्ड नांया केमिकल छ्यलेगु निंतिं अमेरिकी कम्पनी स्टेडफास्टलिसे सम्झौता यायेगु तयारी यानाच्वनागु खँ मन्त्री स्थापितं धयादीगु दु । थ्व प्रविधि बारे प्रदेश ३ या जनप्रतिनिधितय् भेलाय् एग्री विन्ड केमिकल कम्पनीया अध्यक्ष रोबर्ज फ्रिजमेनं केमिकल छ्यलेधुंकाः म्होति नं न्यादँ तक सडकय् गुगुं नं कथयां समस्या मवइगु ग्यारेन्टी बिउगु खः ।