थीथी ख्यःया व्यक्तिपिं छगू हे र्याम्पय्
येँ – थीथी पेशा, व्यवसाय नापं समाजया थीथी क्षेत्रय् स्थापित व्यक्तिपिंत छगू हे र्याम्पय् क्वकायेगु तयारी जुयाच्वंगु दु । गायन, कलाकारिता, पत्रकार नापं समलिंगीतय्त छक्वलं छगू हे र्याम्पय् क्वकायेगु तयारी जुयाच्वंगु दु । फेसियल हाउस नांया संस्था ग्वसालय् थ्व हे वइगु जेठ ११ गते येँय् जुइगु ‘फेसियल हाउस फेसन ट्रेड सिजन–२’ ज्याझ्वःपाखें गायक, गायिका, नायक, नायिका व पत्रकार नापं समलिंगीतय्त छक्वलं छगू हे ¥याम्पय् क्वकायेगु तयारी यानाच्वंगु खः ।
नेपालय् फेसन शो धालकि पहिरनयात जक थुइकेगु यानाच्वंगु व अले थुकियात हे प्राथमिकता नं बीगु यानाच्वंगु धासें थःपिंसं ग्वसाः ग्वयेत्यनागु ज्याझ्वलय् ईयात ल्वःकथंया वसः (पहिरन) नापं श्रृंगार, सँया स्टाइलयात नं विशेष महत्व बियाः न्ह्यब्वयेगु कुतः जुइगु संस्थाया प्रबन्ध निर्देशक सुष्मा महरा शाहं कनादिल ।
थःपिंसं थुकथंया हे ज्याझ्वः न्हापांखुसी पोखराय् यानागु इलय् स्वलातक न्ह्याःगु धयादिसें थुगुसी ग्वसाः ग्वयेत्यनागु ज्याझ्वलय् थःपिंसं न्हूगु सोच व बिस्कं शैलीया न्ह्यब्वयेत्यनागु व ज्याझ्वःपाखें सकसिनं छगू न्हूगु व फरककथंया सवाः काये खनीगु वय्कःया धापू दु ।
समय सान्दर्भिक डिजाइन, मेकअप व भविष्यय् चले जुइ फइगु फेसनयात टे«डपाखें न्ह्यब्वया वयाच्वनागु धासें संस्थाया अध्यक्ष उज्वलजंग शाहं ल्वःगु हेयर स्टाइल, छ्यंगूयात निरन्तर रुपं सुसाःकुसाः यायेगु व ल्वयेक समा यायेगु यात धाःसा न्ह्याम्ह नं बांलाः खने दइगु मान्यतायात थुगु ज्याझ्वलं पुष्टि याइगु दावी यानादिल ।
ज्याझ्वलय् नेपाःया नांजाम्ह नायिका करिष्मा मानन्धरलिसें कलाकार सविन श्रेष्ठ, क्षितिजा शाक्य, एसराज गराच, दिक्पाल कार्की, आमेस भण्डारी नापं पूर्व मिस नेपाल उषा खड्गी व सुगारिका केसी नं ¥याम्पय् कुहां वइगु ग्वसाः खलकं जानकारी बिउगु दु ।
LEAVE YOUR COMMENTS