२४ वडापाखें २५ म्ह विशिष्ट व्यक्तित्वयात हनेज्या

येँ (नेपालभाषा टाइम्स) – येँ महानगर पालिका वडा नं. २४ पाखें वडा दुनेया नीन्याम्ह विशिष्टि व्यक्तिपिंत हनेज्या याःगु दृु । २४ वडां छगू औपचारिक ज्याझ्वःया दथुइ शिक्षा, स्वास्थ्य, कासा, प्रशासन, कूटनीति, सामाजिक सेवालिसें थीथी ख्यलय् योगदान बियादीपिं विशिष्ट व्यक्तिपिंत हनेज्या याःगु खः ।

थुकथं सम्मान प्राप्त यानादीपिंमध्ये कुटनीतिक ख्यःपाखे केदारभक्त श्रेष्ठ, कुटनीति व अर्थनीतिपाखे डा. दुर्गेशमान सिंह, पूर्व प्रशासक पशुपतिभक्त महर्जन, सार्वजनिक सेवा व प्राविधिक प्रशासक भुवनेशकुमार प्रधानयात हनेज्या याःगु खः ।

अथे हे निजी ख्यःया उद्योगी, व्यवसायी रविभक्त श्रेष्ठ, अर्थशास्त्री कमल चित्रकार, अर्थोपेडिक चिकित्सक डा. दीपकमान सिंह, वरिष्ठ नुगःचु ल्वय् विशेषज्ञ प्रा. डा. बलराम श्रेष्ठ, उर्जा ख्यःपाखें ई. दिल्लीराज शाक्य, सामाजिक सेवापाखें इन्द्रमान सिंह सुवाल व शरदकृष्ण श्रेष्ठयात हनेज्या याःगु खः ।

थुकथं ह कला ख्यःपाखें नरेन्द्र कंसाकार, कासा ख्यःपाखें पारा ओलम्पिकय् कास्य पदक विजेता पलेसा गोवद्र्ध, बुद्धिचाल कासामि बद्रीलाल नेपाली, निक्वःगु संस्करणया मि. महानगर शारीरिक सुगठन विजेता सगेन्द्र सिंह, कराते प्रशिक्षक छोरी डंगोल, बक्सिङ कासामि प्रविण तुलाधर, एथ्लेटिक्स कासामि रमेशमान शाक्य, मुवा थाइ बक्सिङ प्रशिक्षक राजेश महर्जन, टेनिस कासामि नविता श्रेष्ठ, टेबलटेनिसया राकेश महर्जन सांगीतिक ख्यःपाखें संगीता शाक्य, मनोरञ्जन (संकिपा) ख्यःपाखें गोपालकृष्ण महर्जन, मिसा क्रिकेट कासामि नीरा राजोपाध्याययात हनेज्या याःगु खः ।

येँ महानगरपालिका २४ वडाअध्यक्ष विनोदकुमार राजभण्डारीं वय्कःपिंत दोसल्ला न्ययेकाः हनापौ देछासे हनेज्या यानादीगु खः ।