पुलांपिं कुमारी माजुपिं भालेश्वर महाद्यः दर्शन यात्रा

येँ (नेपालभाषा टाइम्स) ( ने पाःया अद्वितीय जीवित देवी कुमारी परम्पराया संरक्षण, पुलांपिं लाय्कू कुमारीपिनिगु सम्मान व हिन्दू–बौद्ध धार्मिक–सांस्कृतिक एकताया हसना बीगु तातुना पुलांपिं राष्ट्रिय कुमारी माजुपिंत चन्द्रागिरि स्थित भालेश्वर महाद्यःया दर्शन यात्रा यायेगु ज्या जुल ।

कुमारी छेँया ग्वसालय् व इन्द्रजात्रा व्यवस्थापन समितिया संयोजनय् जूगु उगु ज्याझ्वलय् थीथी कालखण्डया न्हयम्ह पुलांपिं कुमारी माजुपिनिगु ब्वति दुगु खः ।

दर्शन यात्रा झ्वलय् चन्द्रागिरि नगर पालिकाया प्रमुख घनश्याम गिरीं पुलांपिं कुमारी माजुपिंत खादा क्वखायेका सम्मान यानादीगु खःसा नेवाः परम्परागत धिमे बाजं थानाः वसपो लपिंत तःजिक लसकुस यानादीगु खः । ज्याझ्वया संयोजक नापं इन्द्रजात्रा व्यवस्थापनसमितिया नायः गौतम रत्न शाक्यं ने पाःया मौलिक सांस्कृतिक सम्पदा, कुमारी परम्परा व धार्मिक सहिष्णुतायात न्हू पुस्तायात जानकारी बीगु तातुना थज्याःगु ज्याझ्वःया ग्वसाः ग्वयागु खँ कनादिल । वय्कलं थज्याःगु ज्याझ्वलं जीवित सांस् कृतिक सम्पदाया संर क्षण व प्रवद्र्धनय् हःपाः जुइगु विश्वास व्यक्त यानादिल ।

वसपोलपिंत चाःहिके गु निंतिं बसया व्यवस्था नेपाल आर्मी याःगु खः ।