ने. सं. ११४६ चाैलागा आमै - माँया ख्वाःस्वयेगु

लण्डनय् यँयाःया तयारी

येँ – थुगुसीया यँयाः पुन्हि बेलायतया राजधानी लण्डनय् नं तःजिक न्याये कीगु जूगु दु । उकिया लागिं आवंनिसेंहे तयारी शुरु जूगु दु । बेलायतय् च्वंपिं नेवाःतय्गु संस्था पासा पुचः गुथि यूकेया ग्वसालय् थ्व ज्याझ्वः यायेत्यंगु खः । अनया हेलेराेडय् येँय् जुइगु यँयाः जात्रा थें कुमारी लाखे, पुलुकिसि, समय् बजि, हाथुद्यः समे त ब्वयाः यँयाः न्यायेके त्यंगु खः । येँय् थःनेपाखे कुमारीया खः सालीगु न्हि (सेप्टेम्बर १४ तारिख) कुन्हु हे लण्डनय् थ्व ज्याझ्वः यायेत्यंगु खः । थगुने अमेरिकाया थीथी लागा लगायत जापान व अष्ट्रेलियाय् नं तःजिक यँयाः पर्व न्याये कूगु खः ।