मोदीयात येँय् नं नागरिक अभिनन्दन

येँ – नेपाः भ्रमणय् झाइम्ह भारतीय प्रधानमन्त्री नरेन्द्र मोदीयात येँनं नागरिक अभिनन्दन याइगु जूगु दु । येँ हानगरपालिकां
मोदीयात येँय् नागरिक अभिनन्दन यायेत्यंगु खः । मोदीयात येँ मनपा व जनकपुर उनपां नागरिक अभिनन्दन याइगु ज्याझ्वः दु ।नेपाःयात आर्थिक नाकाबन्दी तःम्ह मोदीयात नागरिक अभिनन्दन याइगु सरकारया ज्यायात धाःसा आलोचना जुयाच्वंगु दु ।

मोदीं नेपाः भ्रमणया झ्वलय् राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी ओली व प्रमुख राजनीतिक दलया शीर्ष नेतात नापलाइगु ग्वसाः दु । लिसें ९०० मेगावाट क्षमताया अरुण तेस्रो जलविद्युत आयोजना नं ओली व मोदीं मंकाः कथं शिलान्यास यानादी । लिसें मोदीया नेपाःया भ्रमणया झ्वलय् मुक्तिनाथ वनाः पुजा यायेगु ज्याझ्वः नं क्वःछिनातःगु दु ।