श्री हल्चोक आकाश भैरव समन्वय समुह नीस्वन

येँ – येँयाःया इलय् पिहां वइगु थीथी द्यःप्याखं मध्ये येँया हल्च्वं पिहां वइगु सवःभकु (श्री आकाश भैरव गुथि)या जात्रानापं थीथी आवश्यक ज्याय् ग्वाहालि यायेगु ल्याखं श्री हल्चोक आकाश भैरव समन्वय समूह गठन याःगु दु । आः नकतिनि छगू ज्याझ्वःया दथुइ गुथिया नायः सागर पुतुवारया अध्यक्षताय् उगु समन्वय समूह गठन याःगु खः ।

समूहया उपाध्यक्षय् सुरज पुतुवार, सचिवय् सुरेन्द्रभक्त श्रेष्ठ व कोषाध्यक्षय् नृपेन्द्रलाल श्रेष्ठ च्वनादीगु दु । अथे हे दुजलय् बिश्व शाक्य, पुरुषोत्तम महर्जन, राजु डंगोल, श्याम महर्जन, दलबहादुर पुतुवार, शुक्रबहादुर पुतुवार व अर्जुन पुतुवार च्वनादीगु दुसा सल्लाहकारय् माईला पुतुवार, शरदकुमार डंगोल व रविकृष्ण श्रेष्ठ च्वनादीगु दु ।

समूहया नायः पुतुवारं न्हापा गुथिया गुथियारपिंसं जक जात्राय् ग्वाहालि याना वयाच्वंगु खःसा आः समूहया गठन लिपा गुथिया ज्या ापं मेमेगु ज्याय् नं ग्वाहालि जुइगु विश्वास प्वंकादिल ।