
ख्वप – सरकारं ख्वप जिल्लाया दक्वं नगरपालिकाया दक्वं वडाय् मू सतकं स्वायेगु योजना न्ह्यःने हःगु दु । अप्वया वनाच्वंगु जनसंख्यायात ध्यानय् तयाः थनया दक्वं नगरपालिकाया दक्वं वडायात मू सतकं स्वायेगु योजना न्ह्यःने हःगु खः ।सहरी विकास मन्त्रालय, काठमाडौं उपत्यका विकास प्राधिकरण दथुइ सतकया स्तरोन्नति विषयय् जूगु सहलहया इलय् सतक विस्तारयात द्रुत गतिं न्ह्यःने यंकेगु सहमति जूगु खः ।
सहलहया इलय् प्राधिकरणं छगू जक शर्तया रुपय् निर्माणाधीन सतकयात विवादमुक्त यतयेमाःगु खँ न्ह्यःने हःगु खः । संघ, प्रदेश व स्थानीय यानाः स्वंगुलिं तहया सरकारं विकास व सतक विस्तारयात द्रुत गतिं न्ह्यःने यंकेगु झ्वलय् ख्वपय् भौतिक संरचनाया विकासयात उच्च प्राथमिकता बिउगु खः ।
थ्व ल्याखं जिल्लाया दक्वं नगरपालिकाया दक्वं वडाय् मूल सतकं स्वायेगु अभियानया रुपय् न्ह्यःने यंकीगु जूगु दु । थ्व झ्वलय् तःधंगु सतकयात स्तरोन्नति यायेगु खँय् प्राधिकरण व स्थानीय जनप्रतिनिधि दथुइ सहमति नं जूगु दु । प्राधिकरणं जिल्लाया झिगू तःधंगु सतकया स्तरोन्नति याइगु जूगु दुसा अथे हे मेमेगु निकायं च्यागू सतकया स्तरोन्नति याइगु जूगु दु ।
LEAVE YOUR COMMENTS