दूरसंचार प्राधिकरणया १६ अर्ब उपलब्ध याकेत सरकारया पौ

येँ – नेपाल दूरसंचार प्राधिकरणया खाताय् दुगु १६ अर्ब सरकारयात उपलब्ध याकेत अर्थ मन्त्रायलं प्राधिकरणयात पौ छ्वःगु दु ।

नेपाःया दूरसंचार क्षेत्रया नियामक संस्था प्राधिकरणया खाताय् दुगु मध्ये १६ अर्ब सरकारया खाताय् दाखिला यायेत अर्थ मन्त्रालयं संचार व सूचना प्रविधि मन्त्रालय मार्फत प्राधिकरणयात पौ छ्वःगु खः । वंगु मंगलवाः च्वंगु मन्त्रिपरिषदया मुँज्यां प्राधिकरणया १६ अर्ब सरकारया खाताय् सालेगु निर्णय याःगु खः ।

सरकारं आःया विषम परिस्थितिइ प्राधिकरणया खाताय् दुगु उगु ध्यबा कायेगु व लिपा आवश्यक जूगु इलय् प्राधिकरणयात उपलब्ध याकेगु खँ पौलय् न्ह्यथनातःगु दु । प्राधिकरणं सरकारया पौया बारे आन्तिरिक मुँज्या च्वनाः निर्णय यायेगु खँ धाःगु दु ।