‘ग्रेटर नेपाल’ विरुद्ध भारतया पलाः

येँ (नेपालभाषा टाइम्स)÷ग्रेटर नेपालया वकालत याना वयाच्वंम्ह अभियन्ता फणीन्द्र नेपालया एक्स (ट्वीटर) एकाउन्ट चीकेत इनाप यासें भारत सरकारं पौ च्वःगु दु । ताः इलंनिसें ग्रेटर नेपालया वकालत याना वयाच्वंम्ह नेपालं एक्सय् याःगु पोस्टपाखें भारतया सूचना प्रविधि ऐन, २००० उल्लंघन जूगु धासें पौ च्वःगु खःसा एक्सं नेपाःयात इमेलपाखें थुकिया जानकारी याकूगु खः ।

एक्सं नेपाःयात च्वयाहःगु इमेलय् धयातःगु दु, ‘पारदर्शिताया नितिं जिमिसं थ्व जानकारी याकाच्वना कि छिगु एक्स एकाउन्ट चीकेत भारत सरकारं लिगल डिमान्ड याःगु दु ।’ वयां लिपा नेपाःया एक्स एकाउन्ट भारतन्यंकं ‘विथहेल्ड’ धकाः दिकाबिउगु दु ।

गोर्खा–कम्पनी सरकार युद्ध लिपा सुगौली सन्धि जूगु इलय् भारतय् लाःवंगु ६० हजार वर्ग किलोमिटर भूभाग नेपाःयात लित बीमाः धइगु माग यासें फणीन्द्र नेपाल लगायतया पुचलं ‘ग्रेटर नेपाल’ नां तयाः अभियान न्ह्याका वयाच्वंगु खः ।

भारतया उच्च पदस्थ अधिकारीत नेपाः भ्रमणय् वइबलय् नं थ्व पुचलं विरोध प्रदर्शन याना यानाच्वंगु दु ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल