जेठ २५ दुने ८ तगिंया जाँच कायेमाः

येँ – कोरोना महामारी ब्वलनेवं स्थगित जूगु ८ तगिंया जाँच थ्वहे जेठ २५ गते तकया दुने सिधेकेत येँया शिक्षा कार्यालयं सूचना पिथंगु दु । थ्व स्वयां न्ह्यः शिक्षा कार्यालयं मेमेगु कक्षाया जाँच जेठ २४ गते तक क्वचायेकाः ८ तगिंया बारे लिपा जक सुचं पिकायेगु जानकारी येँ मनपाया शिक्षा कार्यालयं बिउगु खः ।

स्कुल बन्द जुयाः नियमित कक्षा सञ्चालन जुइ मफुगु कारणं आः नतिजा प्रकाशन यायेबलय् ४० प्रतिशत विद्यार्थीया पुलांगु रिजल्ट, ४० प्रतिशत नियमित गतिविधि व २० प्रतिशत आः काइगु जाँचया लिधंसाय् नम्बर बीगु नियम पिकाःगु दु । आः २० नम्बरया लागिं काइगु जाँच अनलाइन, अफलाइन, टेलिफोन, लिखित, मौखिक न्ह्यागु विधिपाखें काःसां जिउगु खँ नं शिक्षा कार्यालयं धाःगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित