माओवादीपाखें नं खुसि मापदण्डया विरोध

येँ (नेपालभाषा टाइम्स)÷नेकपा माओवादी केन्द्रं स्वनिगःया खुसि सिथय् जःखः ४० मिटर तक संरचना दयेके मदइगु सम्बन्धी मापदण्ड नो कन्स्ट्रक्सन जोन व सुकुम्बासी सम्बन्धी विषयय् सर्वोच्च अदालतया फैसला व उकियात कार्यान्वयन यायेगु निंतिं येँ महानगरपालिकां जारी याःगु सुचं प्रति गम्भीर ध्यानाकर्षण जूगु खँ धाःगु दु ।

माओवादी केन्द्रया प्रवक्ता अग्नि सापकोटां जारी याःगु विज्ञप्तिइ धयातःगु दु, ‘स्वनिगःया नगरपालिकाय् निर्माण सम्बन्धी मापदण्ड २०६४’ सं क्वःछिनातःगु दुरीइ २० मिटर थप यानाः न्हूगु मापदण्ड दयेकाः उकियात नो कन्स्ट्रक्सन जोन जुइकथं लागू यात धाःसा द्वलंद्वः दँनिसें बसोबास याना वयाच्वंपिं आदिवासी, जनजाति, धर्म–संस्कृतियात गम्भीर लिच्वः लाइगु निष्कर्ष पिकयागु दु ।’

उकथं हे नो कन्स्ट्रक्सन जोनय् न्हूगु निर्माणया नितिं अनुमति मबीगु इलय् गुलिखे सर्वसाधारणं सवश्र्व गुमे यायेमालीगु खँय् नं माओवादी केन्द्रं ध्यानाकर्षण याःगु दु । लिसें स्ववासी व बेनिस्सा जग्गा दर्तायात विद्यमान कानुनय् संशोधन यानाः स्वनिगःया जनतायात थःगु जमिनया मालिक दयेकेमाःगु माग नं विज्ञप्तिइ यानातःगु दु । उकथं हे विज्ञप्तिइ माओवादीं स्वनिगःया जनताया हक, हित, अधिकार व पहिचानया पक्षय् निरन्तर दनाच्वनेगु प्रतिबद्धता नं प्वंकातःगु दु ।