सिग्देल न्हूम्ह प्रधानसेनापति

येँ (नेपालभाषा टाइम्स)- नेपाली सेनाया न्हूम्ह प्रधान सेनापति पदय् अशोकराज सिग्देल नियुक्त जुयादीगु दु । सरकारं यानाहःगु सिफारिस कथं राष्ट्रपति रामचन्द्र पौडेलं सिग्देलयात न्हूम्ह प्रधानसेनापति नियुक्त यानादीगु खः । वय्कःया कार्यकाल भदौ २४ गतेनिसें शुरु जुयाः स्वदँ तक कायम जुइ । वर्तमान प्रधानसेनापति प्रभुराम शर्माया कार्यकाल भदौ २४ गते क्वचाइगु खःसां नियम कथं वय्कः लछि न्ह्यः हे अवकाशय् च्वनादीगु खः ।
सैन्य रणनीति सम्बन्धी आपालं तालिम कयादीम्ह व यक्वं अनुभव दुम्ह प्रधानसेनापति सिग्देलं सैनिक सेवाय् ज्या यानादीगु ३७ दँ दयेधुंकूगु दु ।