सार्वजनिक गाडीइ जिपिएस ट्य्राकिंग जडान यायेत निर्देशन

येँ (नेपालभाषा टाइम्स)- देय्न्यंकंया सार्वजनिक यातायातय् आवंनिसें जिपिएस ट्य्राकिङ प्रणाली जडान यायेमाःगु जूगु दु । गृह मन्त्रालयं म्हिगः नेपाल यातायात व्यवसायी राष्ट्रिय महासंघयात फुक्कं सार्वजनिक सवारी साधनय् जिपिएस ट्््य्राकिंग प्रणालीया लिसें तीव्र गति नियन्त्रण यायेगु उपकरण जडान यायेत निर्देशन बिउगु खः ।

वंगु असार २८ गते चितवनया नारायणगढ–मुग्लिङ सडकखण्ड सिमलतालय् निगः यात्रुवाहक बस चलखय् लानाः त्रिशुली खुसिइ कुतुंवंगु बारे छानबिन यायेत दयेकूगु कार्यदलं बिउगु सुझाव कथं मन्त्रालयं थ्व निर्दे– शन बिउगु खः । कार्यदलं सवारी साधनय् सिसिटिभी क्यामेरा तयेगु, अनलाइन टिकट प्रणाली विकास यायेगु लगायतया झिंनिगू बुँदाया सुझाव बिउगु खः ।
मन्त्रालयं ताःहाकःगु दुरीइ चले जुइगु गाडीइ म्होतिं नं निम्ह चालक तयेगु व्यवस्थायात कडा कथं पालना यायेत नं निर्देशन बिउगु दु ।