स्वंगू कलेजया भर्ना पना बिल

येँ (नेपालभाषा टाइम्स)- विदेशी विश्वविद्यालयपाखें सम्बन्धन कया तःगु स्वंगू कलेजय् विद्यार्थी भर्ना याये मदइगु जूगु दु । जनकपुरया कश्यप इन्स्टिच्युट अफ इन्जिनियरिङ एन्ड टेक्नोलोजी, मध्य बानेश्वरया ग्लोबल इन्टरनेशनल कलेज व खुमलटारया नेपाल एजुकेशन फाउन्डेसन कन्सोटियम अफ कलेजय् विद्यार्थी भर्ना याये मदइ कथं शिक्षा मन्त्रालयं पना बिउगु खः । कश्यपया समकक्षताबारे सर्वोच्च अदालतय् मुद्दा विचाराधीन दुगुलिं भर्ना याये मजिउगु खँ मन्त्रालयं धाःगु दु ।

उकथं हे ग्लोबल कलेजया सम्बन्धय् आः सम्बन्धन बिउगु विश्व– विद्यालयया कार्यक्रम सञ्चालन मयाःगुलिं विद्यार्थी भर्ना याये मजिउगु खँ धाःगु दु । उकथं हे नेपाल एजुकेसन फाउन्डेसनया हकय् स्थानान्तरणया प्रक्रियाय् दुगुलिं आः विद्यार्थी भर्ना याये मजिउगु खँ मन्त्रालयं धाःगु दु ।