संविधान संशोधन प्रस्ताव संसदय् दर्ता

येँ – सरकारं न्हूगु नक्सा कथं निशान छाप हिलेगु निंतिं संघीय संसदय् संविधान संशोधनया प्रस्ताव दर्ता याःगु दु । कानून मन्त्री शिवमाया तुम्बाहाङ्फें मन्त्रिपरिषद्या निणय कथं संसद सचिवालयय् प्रस्ताव दर्ता यानादीगु खः ।

शुक्रवाः च्वंगु मन्त्रिपरिषद्या मुँज्यां लिम्पियाधुरा, कालापानी व लिपुलेक क्षेत्रयात दुथ्याकाः सार्वजनिक याःगु न्हूगु नक्सा कथं संविधान संशोधन यायेगु निर्णय याःगु खः । न्हूगु नक्सा कथं संविधानया अनुसूची-३य् दुगु निशान छाप संशोधनया निंतिं प्रस्ताव दर्ता यायेगु निर्णय जूगु खः ।