‘विदेश वनीपिं जक मखु वइपिं नं अप्वः’

येँ (नेपालभाषा टाइम्स)- यँ महानगरपालिकाया उपमेयर सुनिता डंगोलं ल्याय्म्हत विदेश वनेगु ल्याः अप्वयाच्वंगु यथार्थ खःसा मेखे विदेशं नेपाः लिहां वइपिनिगु ल्याः नं उतिकं अप्वया वनाच्वंगु खँ धयादीगु दु । म्हिगः अन्तर्राष्ट्रिय युवा दिवसया लसताय् जूगु ज्याझ्वलय् न्ववायेगु झ्वलय् वय्कलं ल्याय्म्हतय्गु समसामयिक न्ह्यसः व सम्भावनाया बारे सहलह यायेमाःगु खँ नं धयादीगु खः ।

ज्याझ्वलय् न्ववायेगु झ्वलय् उपमेयर डंगोलं धयादिल, ‘विदेश वनीपिं ल्याय्म्हतय् ल्याः अप्वया वनाच्वंगु दु । लिसे लिसे विदेशं स्वदेश लिहां वइपिं ल्याय्म्हत नं अप्वया वनाच्वंगु दु । ल्याय्म्हत विदेशं लिहां वइबलय् पुँजी जक ज्वना वइगु मखु उकिया लिसें विदेशय् सयेका वःगु सीप, प्रविधि व अनुभव नं नापं ज्वना वइ ।’

लिसे वय्कलं ल्याय्म्हतय्त उद्यमशीलतालिसे स्वायेमाःगु बिचाः न्ह्यःने तसें उकिया नितिं व्यवहारिक योजना हयेमाःगु खँ नं धयादीगु दु । उकथं हे वय्कलं थौंकन्हय् विदेश वनेगु सोच छम्ह विद्यार्थीं जक तइगु मखुसें वयागु छेँजः, जःखः च्वनीपिं समाज फुकसिया म्हगस जुया वनाच्वंगु खँ धासें थज्याःगुु मानसिकता व क्रियाकलापयात पनेमाःगु खँ नं कनादिल ।

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु