रवि विरुद्ध मेगु मुद्दा

येँ (नेपालभाषा टाइम्स)÷राष्ट्रिय स्वतन्त्र पार्टीया सभापति रवि लामिछाने विरुद्ध रिट दर्ता जूगु दु । लामिछानें नेपाःया नागरिकता हाकनं कायम याकेगु झ्वलय् अमेरिकी नागरिकता त्याग याःगु निस्सा बुझे मयाःगु धासें युराज पौडेल ‘सफलं’ मुद्दा तःगु खः । थुकिया सुनुवाई जेठ १७ यायेगु कथं क्वःछिउगु दु ।

रिट निवेदनय् मुद्दा क्वःमजिउतले सर्वोच्च अदालत नियमावली कथं अन्तरिम आदेश जारी यानाः प्रतिनिधिसभा दुजःया रुपय् ज्या यायेत पनेत नं माग यानातःगु दु । लामिछानें हाकनं नागरिकता कायेगु प्रक्रियाय् हे दुहां मवँसे वंगु माघ १५ कुन्हु नागरिकताया प्रतिलिपि काःगु दावी रिट निवेदनय् न्ह्यथनातःगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु