दोल्खा भिंद्यःयात चःति वल, क्षमापुजाया तयारी

दोल्खा (नेपालभाषा टाइम्स)- दोल्खा भिंद्यःयात चःति वःगुलिं उगु चःति हुयातःगु कपाय्या महाप्रसाद राष्ट्रपति रामचन्द्र पौडेलयात लःल्हाःगु दु । दोलखा भिमेश्वर मन्दिर गुथि, व्यवस्थापन समितिया पदाधिकारी व पुजारी सहितया पुचलं म्हिगः राष्ट्रपति भवन शितल निवासय् राष्ट्रपति पौडेलयात महाप्रसाद लःल्हाःगु खः ।

वंगु शनिवाः न्हिनय् दोल्खा भिंद्यःयात चःति वःगु खः । अथे चःति वल धाःसा चःति हुयाकाःगु कपाय् महाप्रसादया रुपय् राष्ट्रप्रमुखयात लःल्हायेगु पुलांगु चलन खः । महाप्रसाद लःल्हायेधुंकाः साइत स्वयाः राष्ट्रप्रमुखं विधिपूर्वक क्षमा पुजा यायेमाः । दोल्खा भिंद्यःयात चःति वल धाःसा देशय् अनिष्ट जुइ धइगु जनविश्वास दु ।