सल्लाघारीइ धाँलाखुसि फल्चाया उलेज्या

ख्वप(नेपालभाषा टाइम्स)÷ख्वप नगरपालिका वडा नं. १ सल्लाघारीइ पुनःनिर्माण जूगु धाँलाखसि फल्चाया उलेज्या याःगु दु । ख्वप नगरपालिका प्रमुख सुनिल प्रजापतिं छगू ज्याझ्वःया दथुइ पुनःनिर्मित फल्चाया उलेज्या यानादीगु खः ।

ज्याझ्वलय् नवासें नगर प्रमुख प्रजापतिं पुलांगु शैलीया ध्वाखा, देगः, सतः फल्चा संरक्षणं ख्वप नगरया पर्यटन ख्यःयात तिबः बीगु विश्वास प्वंकादिसें ख्वप नगरपालिका सम्पदा संरक्षणयात प्राथमिकतातय् तयाः ज्या याना वयाच्वंगु दु धयादिल । लिसें वय्कलं निर्वाचनय् जनप्रतिनिधितय्सं घोषणापत्रय् न्ह्यथनातःकथं वंगु निदँया दुने सम्पदा पुनःनिर्माणया अप्वःथें ज्या पूवंकेधुंकूगु जानकारी नं बियादिल ।

वडा १या वडाअध्यक्ष श्यामकृष्ण खत्रीं वडा दुने जुयाच्वंगु थीथी सम्पदा संरक्षणय् जुयाच्वंगु ज्या व विकास निर्माणया बारे चर्चा यानादिसें वडाया पुलांगु वस्तीइ ल्वहं लायेगु ज्या नं क्वचायेधुंकूगु खँ कनादिल ।

स्थानीय समाजसेवी कृष्णबहादुर दुगुजु, वडासदस्य सूर्यप्रसाद श्रेष्ठ, मिसा वडा सदस्य कल्पना शिल्पकारं नं नुगः तयादीगु ज्याझ्वलय् फल्चा निर्माण उपभोक्ता समितिया कोषाध्यक्ष रमेश कोजूं आर्थिक प्रतिवेदन न्ह्यब्वयादीगु खः । २५ गू लख लागत अनुमान यानातःगु फल्चा मुक्कं १५ गू लख ग्वीगुद्वः तका दामं निर्माण सम्पन्न जूगु कोषाध्यक्ष कोजू जानकारी बियादिल । फल्चा उलेज्या लिपा उगु लागा जःखः वृक्षारोपण नं याःगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु