सक्रिय समाजसेवी दिगम्बर श्रेष्ठ मंत

येँ- येँ मरु लागाया सक्रिय समाजसेवी दिगम्बर श्रेष्ठ म्हिगः आकाझाकां मंत । म्हिगः हे पशुपति आर्यघाटय् वय्कःया अन्तिम संस्कार नं क्वचाःगु दु ।वय्कः प्याफलय् च्वंगु गंगा क्लबया नायः खःसा हनुमानध्वाखा दरवार क्षेत्र सुधार तथा व्यवस्थापन समितिया नं नायः खः । लिसें वय्कः नेपालभाषाया हरेक सडक आन्दोलनय् नं सक्रिय जुयादी । छुं न्हि न्ह्यवंनिसें जलस्येँ (किड्नी)या ल्वचं कयाः वय्कः उसाँय् मफयाच्वंम्ह खः । वंगु छुं ई न्ह्यः वय्कःया ख्वपया अस्पतालय् भर्ना याना तःगु खःसा म्हिगः मदुगु खः । वय्कःया जहान लिसें छम्ह काय व छम्ह म्ह्याय् दी ।