लक्ष्मीदास मानन्धर उत्कृष्ट प्रधानाध्यापक सिरपाः लःल्हात

येँ (नेपालभाषाा टाइम्स)- प्रिन्सिपल एसोसिएसन नेपालया पान वेष्ट एजुकेशन अवार्ड२०२४ सिरपाः ज्याझ्वः जूगु दु । प्रतिनिधिसभाया उपसभामुखया मूपाहाँसुइ येँय् शनिवाः जूगु ज्याझ्वलय् लक्ष्मीदास मानन्धर उत्कृष्ट प्रधानाध्यापक सिरपाः लःल्हाःगु खः ।

भाषासेवी धर्मसेवी लिसें शिक्षासेवी लक्ष्मीदास मानन्धरं जगतसुन्दर ब्वनेकुथि, शान्ति शिक्षा मन्दिर, पिपुल्स क्याम्पसलिसें समाजय् आपालं योगदान यानादीगु लुमन्तिइ थथे उत्कृष्ट प्रधानाध्यापक सिरपाः देछायेगु व्यवस्थापन यानागु वय्कःया काय्भाजु नारायणदास मानन्धरं कनादीगु दु । न्हयगू प्रदेशया न्हयम्ह बेष्ट एजुकेशन अवार्ड कायेत ताःलाःपिन्त थथे लक्ष्मीदास मानन्धर उत्कृष्ट प्रधानाध्यापक सिरपाः कथं हनापौ व म्हतिं झिद्वः झिद्वः तका लःल्हाःगु खः ।

ज्याझ्वलय् पुलांम्ह शिक्षामन्त्री देवेन्द्र पौडेल, देय् न्यंकंया प्राध्यापकपिं, शिक्षकपिं उपस्थित जूगु खःसा अथेहे, शिक्षाविद्पिं उपस्थित जूगु खः ।

सम्बन्धित बुखँ

LEAVE YOUR COMMENTS