थौं याकःमिसाया भुज्या

यल (नेपालभाषा टाइम्स)- बुंगद्यःया जात्राया झ्वलय् म्हिगः बुधवाः नैंक्यालं लुइगु जात्रा जुल । बुंगद्यः लगंख्यलय् थ्यंगु प्यन्हु लिपा नैंक्यालं लुइगु जात्रा जुइ । नैंक्यालं लुइगु धकाः बुंगद्यःया खःया च्वकाय् च्वनाः नैंक्या कुर्केगु याइ । थनं कुर्काहःगु नैंक्या कायेखन धाःसा तसकं भिं जुइ धयागु जनविश्वास दु ।

नैंक्यालं लुइगु जात्राया झ्वलय् यल महानगरपालिकां म्हिगः स्थानीय बिदा नं बिउगु खः । नैंक्यालं लुइगु कन्हय् कुन्हु इतिइ याकःमिसाया भुज्या जुइ । याकःमिसाया भुज्या धकाः सुथय् मिसातय्सं जक रथ सालेगु याइ । थ्व धुंकाः भोटो जात्राया निंतिं साइत स्वइ । साइत कथं द्यः सालाः जालाख्यलय् यंकेगु ज्या जुइ ।