बिस्काःबलय् अप्पां कयेकूपिं झिंस्वम्ह ज्वन

ख्वप – बिस्काः जात्राया झ्वलय् वंगु चान्हय् प्रहरीयात अप्पां कयेकूपिं झिंस्वम्हेसित ज्वंगु दु । वंगु चान्हय् सवा दुई बजे पाखे तौमढीइ प्रहरीयात अप्पां कयेकूगु खः । प्रहरीं उमिसं खुकुरीसहित क्यनाः हुलदंगा याःगुलिं ज्वनागु खँ धाःगु दु ।

महानगरीय प्रहरी परिसर ख्वपया कथं ख्वप नपा २ खसिबजारय् च्वनीम्ह विजय सुवाल, सुमन कासुल्ला, १० वडाया मनिस मकाजु, ४ वडाया मसिन छुका, सन्नी छुका, अर्जुन गपीयात ज्वंगु खः । अथेहे सुरेन्द्र देशय्मरु, ससिस पन्च, सविन श्रेष्ठ, सुनिल गुरुङ व लक्ष्मीप्रसाद दुवालयात नं ज्वनाः कुनातःगु दु ।

जात्राया झ्वलय् खुकुरी क्यनाः अशान्ति न्यंकूपिं सूर्यविनायक नगरपालिका ६ या साजन माकः व सुमन भेलेयात ज्वंगु खः ।

सम्बन्धित बुखँ

LEAVE YOUR COMMENTS