गृहमन्त्रीविरुद्धया रिट दर्ता यायेत आदेश
येँ (नेपालभाषा टाइम्स)-* गृहमन्त्री रवि लामिछानेयात सहकारी प्रकरणय् ‘क्लिन चिट’ बीगु कथं महान्यायाधिवक्ता कार्यालयं च्वःगु पौ विरुद्ध सर्वोच्च अदालतय् तःगु रिट निवेदन दर्ता यायेत लँ चाःगु दु । अधिवक्ता अनुपम भट्टराईं पेश याःगु रिटयात थ्व स्वयां न्ह्यः सर्वोच्च प्रशासनं दरपिठ यानाहःगु खः । तर सर्वोच्च प्रशासनया निर्णय विरुद्ध अधिवक्ता भट्टराईं इजलासय् हे निवेदन बिउगु खःसा न्यायाधीश टेकप्रसाद ढुंगानाया एकल इजलासं म्हिगः सर्वोच्च प्रशासनयात रिट निवेदन दर्ता यायेत आदेश बिउगु खः ।
न्यायाधीश ढुंगानाया इजलासं दरपिठ यायेगु निर्णय मिले मजूगु धासें दर्ताया नितिं आदेश बिउगु खः ।
महान्यायाधिवक्ता कार्यालयं सहकारी ठगी सम्बन्धय् गृहमन्त्री लामिछानेविरुद्ध गुगुं नं कार्यालय अनुसन्धान÷अभियोजना व अनुसन्धान मजूगु धासें वंगु वैशाख २४ गते पौ बिउगु खः । उगु पौ क्यनाः गृहमन्त्री लामिछानें थःत सहकारी प्रकरणय् सफाइ बिउगु दाबी याना वयाच्वंगु खः । सभामुख देवराज घिमिरें सःतूगु बैठकय् नं लामिछानें उगु हे पौ क्यनाः थःत सहकारी प्रकरणय् गुगुं नं कथंया अनुसन्धान मजूगु जिकिर याःगु खः ।
LEAVE YOUR COMMENTS