नःलिया निक्वःगु द्वादश साहित्य सम्मेलन

येँ – नःलि साहित्य दबूया निक्वःगु द्वादश साहित्य श्रृजन सम्मेलन वंगु शनिवाः थक्वातय् जुल । दबूया दुजः सौरभ शाक्यया सभापतित्वय् जूगु ज्याझ्वलय् उपप्राध्यापक निर्मला श्रेष्ठ मूपाहांकथं झायादीगु खः । ज्याझ्वलय् दबूपाखें थक्वाःया निम्ह साहित्यकार तेजप्रकाश श्रेष्ठ व शिवप्रसाद श्रेष्ठयात दोसल्लां न्ययेकाः हनेज्या नं याःगु खः ।

उगु साहित्य सम्मेलनय् श्यामबहादुर, ओमप्रकाश, भिमनारायण, सौरभ शाक्य, मोक्षबहादुर अमात्य, रमेश मानन्धर, सिर्जना श्रेष्ठ लगायत थक्वाःया नापं यानाः स्वीम्ह साहित्यकारं थःथःगु रचना पाठ यानादीगु खः ।ज्याझ्वलय् नरेशवीर शाक्य व हलिं नेवाः गुथिया नायः शान्तप्रकाश श्रेष्ठं थःथःगु नुगःखँ तयादीगु खः ।