पुलांम्ह कुमारीयाथाय् मनिषा

येँ (नेपालभाषा टाइम्स)- नांजाःम्ह बलिउड कलाकार मनिषा कोइरालां म्हिगः पुलांम्ह कुमारी मय्जु मतिना शाक्ययात वय्कःया इतुम्बहाःस्थित छेँय् वनाः नापलानादिल । नेपाःया कुमारी संस्कृति बारे सीकेगु इच्छा दयाः न्यनकने यायेत व पुलांम्ह कुमारीया अनुभव न्यनेत वयागु खँ वय्कलं कनादीगु खः । छुं न्हि न्ह्यः जक छगू सभाय् न्ववायेगु झ्वलय् कोइरालां नेपाःया नेवाः संस्कृति व कला विश्वय् दकलय् उत्कृष्ट जू धयादीगु खः ।