खुलामञ्चय् घाँय् पिनाः वाउँगु ख्यः दयेकीगु

येँ (नेपालभाषा टाइम्स)- थनया खुलामञ्चयात आः येँ महानगरपालिकां सितु घाँय् समेत वाउँसे च्वंगु घाँय्या ख्यः दयेकीगु जूगु दु । उकिया लागिं थौंकन्हय् अन चिचीग्वःगु अप्पा व कंकड मुनेगु ज्या जुयाच्वंगु दु । अप्पात मुनेधुंकाः अन सितु सहित घाँय् पीगु व थ्व थाय्यात व्यायाम लिसें बहुउपयोगी थाय् दयेकेगु खँ धाःगु दु । खुलामञ्चय् फुटबल ग्राउण्ड दयेकीन धकाः स्थानीय मनूतय्सं विरोध यायेवं मनपां थ्व ज्या न्ह्याकूगु खः ।