अध्यागमनया हाकीमयात प्रहरीं मुइकल
येँ (नेपालभाषा टाइम्स)÷ त्रिभुवन विमानस्थल अध्यागमन कार्यालयया प्रमुख लिसें अध्यागमन अधिकृतयात प्रहरीं हातपात याःगु दु । म्हिगः सुथय् अध्यागमन अधिकृत छायाँलाल मोक्तान विमानस्थलया अराइभलं डिपार्चरपाखे वंगु इलय् मेटल डिटेक्टर दुगु थासय् चेकजाँच यायेगु झ्वलय् प्रहरीलिसे विवाद जूगु खःसा वहे इलय् वय्कःयात प्रहरीं दाःगु खँ सीदुगु दु ।
अध्यागमन अधिकृत मोक्तानं थः अध्यागमन अधिकृत खः धासें मेटल नं मदुगुलिं छाय् चेकजाँच यायेगु धकाः न्ह्यसः तःगु जुयाच्वन । उगु विवादया झ्वलय् थःत प्रहरीं थःत दाःगु खँ अधिकृत मोक्तानं कनादीगु ।
गुनासो वयेवं अध्यागमन कार्यालय प्रमुख गोगन हमाल थःहे सीसीटिभी फुटेज स्वयेत वंगु खः । प्रहरी जवानं अध्यागमन अधिकृत मोक्तानयात दुव्र्यवहार याःगु खनेदु । उगु इलय् प्रहरी जवानं हाकनं मोक्तानयात लाकमं प्यंकूगु खँ धाःगु दु । उगु इलय् हमालयात नं लाःगु खः । वयां लिपा हमालं गृह मन्त्रालयय् रिपोर्ट याःगु खः ।
मेखे प्रहरीं धाःसा प्रहरी जवानं अध्यागमनया कर्मचारीयात दुव्र्यवहार मयाःगु खँ धाःगु दु । अध्यागमनया कर्मचारीत वःगु इलय् चेकजाँच यायेत थःपिंत कडा निर्देशन बियातःगु खःसां नं अध्यागमनया कर्मचारीतय्सं जबरजस्ती चेकजाँच मयासे वनेत्यंगु खँय् विवाद जूगु खँ प्रहरीं धाःगु दु ।
LEAVE YOUR COMMENTS