वार्ताया लागिं बादलया इनाप

येँ – आन्दोलन यानाच्वंगु फुक्कं पक्षयात राजनीतिया मूल प्रवाहय् हयेमाःगु खँ गृहमन्त्री रामबहादुर थापा ‘बादलं’ धयादीगु दु । सांसद सोमप्रसाद पाण्डेया संयोजकत्वय् नीस्वना तःगु उच्चस्तरीय वार्ता पुचः लिसें आइतवाः गृह मन्त्रालयसं जूगु सहलह ज्याझ्वलय् थापां फुक्कं पक्षयात राजनीतिक मूल प्रवाहय् हयेगु कथं वार्ता यायेत इनाप नं यानादीगु दु ।

वंगु भदौ ९ गते मन्त्रिपरिषद्या बैठकं थीथी कारणं वार्ता जुइ मफुगु पुचःलिसे वार्ता यायेगु निंतिं सांसद पाण्डेया नेतृत्वय् वार्ता पुचः नीस्वंगु खः । वार्ता समितिया संयोजक पाण्डें पुचः नीस्वने धुंकाःया अवस्था व वार्ताया निंतिं जुयाच्वंगु कुतःया बारे बैठकय् जानकारी याकूगु खः ।

 

सम्बन्धित बुखँ

LEAVE YOUR COMMENTS