ने. सं. ११४६ चाैलागा चर्हे - मातातीर्थ चःह्रे

लाक्वपाक्व थाय्या नां मतयेत सुचं

किपू (नेपालभाषा टाइम्स)-किपू नगरपालिका दुने लाःगु थीथी लागाय् थौंकन्हय् विकास जुया वःगु न्हू वस्ति व पुलांगु वस्तिइ नं थः यःयःथे त्वाः, वस्ति व गल्लिया नां तयेगु ज्या याना हःगु खँय् किपू नगरपालिकां आपत्ति प्वंकूगु दु । किपू नगरपालिका दुने गनं नं नगरपालिकाया स्वीकृति मकासे अथे नां तयेगु ज्या यानाच्वंगु दुसा उकियात तुरुन्त चीकाछ्व धकाः नं निर्देशन बिउगु दु ।

किपू नपाया प्रमुख प्रशासकीय अधिकृतपाखें नकतिनि छगू सुचं जारी यासें छुं नं थासय् अथे थः यसें थाय्या नामाकरण मयायेत निर्देशन बिउगु दु । गनं अथे नामाकरण यानाः नांग्वरः समेत तयेधुंकूगु दुसा उकियात चीकेत इनाप यासें मचीकल धाःसा नगरपालिका थःपिंसं हे चीकेगु जुइ धकाः नं सुचं बिउगु दु ।