ज्यापु दिवस हनेत साइकल र्याली
येँ (नेपालभाषा टाइम्स)- ‘छि, जि झी सकलें दने, ज्यापु दिवस झः झः धायेक हने’ धइगु नारा ज्वनाः २० क्वःगु राष्ट्रिय ज्यापु दिवस ताःलाकेत शनिवाः छगू साइकल ¥याली जुल । त्यंगःत्वाः खलःया संयोजकत्वय् जुइगु २० क्वःगु राष्ट्रिय ज्यापु दिवसया प्रचार प्रसारया निंतिं जूगु थुगु साइकल र्यालीया उलेज्या बागमती प्रदेश सभाया सांसद बसन्त मानन्धरं यानादीगु खःसा विशेष पाहांकथं येँ महनगरपालिका प्रवक्ता नापं येँमपा १७ वडाया अध्यक्ष नविन मानन्धर, येँमपा २५ वडाया अध्यक्ष राजेश डंगोल, ज्यापु संस्कृति विकास कोषया अध्यक्ष मंगलकृष्ण सिंहपिं झाःगु खः ।
मुक्कं १६० गू साइकल दुथ्याःगु थुगु ¥याली बालाजु, धमाथू, फुटुङ, मनमैजु, फुसिंख्यः, तोखा थ्यंकाः क्वचायेकूगु खः । र्यालीयात गणेशमान श्रेष्ठया संयोजकत्वय् तोखा सांस्कृतिक संराक्षण क्षेत्र समिति व नेवाः गुथिं मंकाः कथं तःजिक लसकुस यासें ख्येँसगं बियाः ज्यःनाःया व्यवस्था याःगु खः ।
मिसा भेला ः
अथेहे २० क्वःगु राष्ट्रिय ज्यापु दिवसयात कयाः शनिवाः हे छगू वृहत् मिसा भेला नं जुल । उगु भेलाय् ज्यापु दिवस ताः लाकेत व झःझः धायेक हनेत प्रचार प्रसारया निंतिं थ्वहे वइगु पुस ७ गते सुकुन्दा ¥याली यायेगु जानकारी बिउगु खः । लिसें भेलाय् झीगु बा¥हाः संस्कारय् थीथी विकृति वयाच्वंगु विषययात कयाः नं अन्तक्र्रिया जूगु खः ।
त्यंगःत्वाः खलःया अध्यक्ष धनबहादुर महर्जनया सभापतित्वय् जूगु उगु भेलाय् येँ महानगरपालिकाया उपप्रमुख सुनिता डंगोल मूपाहां कथं झाःगु खःसा पाहांकथं ज्यापु संस्कृति विकास कोषया अध्यक्ष मंगलकृष्ण सिंह, ज्यापु महागुथि नेपाः केन्द्रीय नायः सत्यनारायण डंगोल, ज्यापु महागुथि नेपाः येँ महानगर समिति अध्यक्ष पंच महर्जन, त्वाः खलःया न्वकु देवनारायण महर्जन, त्वाः खलःया कजि कृष्णनारायण महर्जन, त्यंगः त्वाः खलः मिसा पुचःया अध्यक्ष नानीहेरा महर्जपिंसं थःपिनि खँ तयादीगु खः ।
LEAVE YOUR COMMENTS