नेवाःतय्त खिसि याःम्ह कलाकारयात बं

येँ (नेपालभाषा टाइम्स)- स्ट्याण्ड अप कमेडी अपूर्व क्षितिज सिंहयात जिल्ला अदालत येँनं दोषी ठहर याःगु दु । वंगु आइतवाः येँ जिल्ला अदालतं सिंहयात दोषी ठहर यासें झिद्वः तका बं पुइकेगु फैसला याःगु खः ।

कलाकार सिंहं थःगु छगू ज्याझ्वलय् नेवाः समुदाययात व्यंग्य यासें बिउगु अभिव्यक्तियात कयाः पृथविन्दु महर्जनं जिल्ला प्रहरी कार्यालयय् उजुरी बिउगु खः । सिंहया अभिव्यक्तियात कयाः नेवाः समुदायं विरोध यायेवं सिंह युट्युबय् च्वंगु थःगु भिडियो डिलेट यायेगु लिसें माफी नं फ्वंगु खः ।