मोहनिया इलय् मौसम बांलाइगु

येँ नेपालभाषा टाइम्स)- जल तथा मौसम विज्ञान विभागया मौसम पूर्वानुमान महाशाखां मोहनिया इलय् मौसम बांलाइगु खँ धाःगु दु । छन्हु निन्हु न्ह्यःतक वा वयाच्वंगुलिं थुगुसी मोहनिबलय् नं वा वइगु चिन्ता प्वंका वयाच्वंगु अवस्थाय् महाशाखां मोहनिया इलय् सामान्यतया मौसम सफा जुइगु खँ धाःगु खः ।

महाशाखाया मौसमविद् रोजन लामिछानें राससलिसे खँ ल्हासें मोहनिया इलय् मौसम सफा जुइगु खँ धासें पहाडी भेगया छगू निगू थासय् जक हल्वा वा वयेफुगु खनेदु धाःगु खः । महाशाखां मोहनियात कयाः विशेष बुलेटिन नं जारी यायेत्यंगु दु ।

आः नेपालय् पश्चिमी वायुया आंशिक प्रभाव लानाच्वंगु दु । गुकिया कारणं देय्या पहाडी भूभागया छगू निगू थासय् न न्यानाः हल्का वा वयेफुगु खँ धाःगु खः । अथेहे उच्च पहाडी क्षेत्र व हिमाली क्षेत्रय् नं छगू निगू थासय् हल्का च्वापु वा गाइगु सम्भावना दुगु खँ धाःगु दु । शुक्रवाः कोशी, बागमति व गण्डकी प्रदेशया पहाडी भूभागय् न न्यानाः हल्का वा वयेफुगु खँ नं महाशाखां धाःगु दु