किपुलिइ ग्लोबल नेवाः सम्मेलन

येँ (नेपालभाषा टाइम्स)÷ नेवाः हकहितलिसें भाषा संस्कृतिया उत्थानयात कयाः गुंगू बुँदे घोषणा पौ पिथँसे स्वक्वःगु ग्लोबल नेवाः सम्मेलन २०२३ वंगु आइतवाः
किपुलिइ क्वचाल ।

पुलांम्ह रक्षामन्त्रीलिसें सांसद भिमसेनदास प्रधान मूपाहां कथं झायादीगु उगु ज्याझ्वलय् बागमती प्रदेशया सांसद हरिप्रभा खड्गी श्रेष्ठ, ज्यापु महागुथि येँ महानगर समितिया सचिव मचाराजा महर्जन, नेवाः देय् दबू स्वनिगः समितिया कजि श्रीकृष्ण महर्जनलिसें थीथी व्यक्तिपिं उपस्थित जूगु खः ।

नेपालय् जुइत्यंगु गैरआवासीय नेपाली संघया सम्मेलनय् ब्वति कायेत वःपिं थीथी देसय् च्वनाच्वंपिं नेवाःतय्त मुंकाः जूगु थुगु ज्याझ्वलय् लसकुस नरेश नेवाः नं यानादीगु खःसा जापानया नेवाः न्ह्यलुवाः सुनिलकुमार शाक्यं नेपालय् जुइगु गैरआवासीय संघया सम्मेलन न्ह्यः लाकाः जूगु थुगु ज्याझ्वः नेवाःतय्त छथाय् तयेगु नितिं यानावयाच्वंगु खँ धयादिल ।